Դեսպան Սերգեյ Մինասյանի հանդիպումը Ռումինիայի խորհրդարանի պատգամավոր, Ռումինիայի հրեական համայնքների ֆեդերացիայի նախագահ Սիլվիու Վեքսլերի հետ

30 օգոստոսի, 2021

Օգոստոսի 30-ին դեսպան Սերգեյ Մինասյանը հանդիպեց Ռումինիայի խորհրդարանի պատգամավոր, Ռումինիայի հրեական համայնքների ֆեդերացիայի նախագահ Սիլվիու Վեքսլերի/Silviu Vexler հետ։ Հանդիպմանը մասնակցում էր նաև Ռումինիայի Խորհրդարանի հայազգի պատգամավոր Վարուժան Փամբուկչյանը:

Կարևորելով Ռումինիայի հայերի միության և Ռումինիայի հրեական համայնքների ֆեդերացիայի միջև ծավալված տարաբնույթ սերտ համագործակցությունը՝ դեսպան Մինասյանը զուգահեռներ անցկացրեց նաև հայ և հրեա ժողովուրդների պատմության ողբերգական էջերի միջև:

Դեսպանը շնորհակալություն հայտնեց պարոն Վեքսլերին ապրիլի 27-ին՝ պատմության մեջ առաջին անգամ Ռումինիայի խորհրդարանի Պատգամավորների պալատի լիագումար նիստում Օսմանյան կայսրությունում հայերի Ցեղասպանության վերաբերյալ կայացած լսումների ընթացքում ունեցած ելույթի ու արտահայտած դիրքորոշման համար:

Հանդիպման ընթացքում կողմերը քննարկեցին նաև կրոնական ու պատմամշակութային ժառանգության պահպանմանը և պաշտպանությանը վերաբերող հարցեր: Անդրադարձ կատարվեց նաև ականավոր հայազգի արվեստագետ, կինոռեժիսոր, սցենարիստ, նկարիչ և գեղագետ Սերգեյ Փարաջանովի կյանքին ու գործունեությանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր